|
د زړه باغچه
دزړه باغچه کی درته ګل کرمه
رامبیل،چمبیل،نرګس،سنبل کرمه
دا به وعده راسره ګدی جانانه
دګلو سیل له به راځی جانانه
د زړه باغچه کی درته خیال جوړوم
د ښاپیریو پکی ټال جوړوم
زما دا هیله به منی جانانه
دګلو سیل له به راځی جانانه
زما د پاکی مینی ښکلی بڼ کی
ستا د ښایسته حسن منلی بڼ کی
د وفا لاس به راکوی جانانه
د ګلو سیل له به راځی جانانه
زما د مینی او سرو ګلو باغچه
د رنګینو ،باغ او بلبلو باغچه
بیا له خزانه به ساتی جانانه
دګلو سیل له به راځی جانانه
ترڅو پدی باغچی خزان ګډشی
په سرو ګلونو می تالان ګډشی
پاس په لیمو به قدم ګدی جانانه
د ګلو سیل له به راځی جانانه
------------------------------------------
سمیع الدین افغانی
۱۰ / ۴ / ۲۰۰۷ /
جرمنی
|
